Os Fayos - Zaragoza - Aragón - España

Os Fayos (Zaragoza)

Os Fayos

Lugar enclabau en Aragón, n´a probinzia de Zaragoza, más esautamén n´a redolada de Tarazona y o Moncayo, n´a chunión d´os rios Queiles y Val. Os Fayos se´n troba á 2 Kms. de Torrellas, á 6 de Tarazona por a carretera CV-639 y á 86 de Zaragoza. Poseye una superfizie de 3,9 Km2 y altaria de 569 m. Os Fayos perteneze a ra Diozesis de Tarazona. Zircuscrizión DPZ: Tarazona. Trestallo postal: 50513

N'o cobaxo d'o Moncayo y amanau a l'entibo de Val, ufre posibilidaz de reyalizar esportes d'augua , senderismo, paseyos  a caballo u en bezicleta de montaña, güelladas paisaxeras eszeuzionals d'as Espelungas d'o Caco, os Callejares, a Paloma, etz. Obserbanza de paxaros como güeitres, quebrantahuesos, alimoches, falcons y atras muitas espezies. Prosimo a Tarazona y a o Monesterio de Bergüela.

Distanzia kilometrica á ros lugars prosimos:

Situgazión: a o NO. de Zaragoza por autopista A-68, con esbarre enta par de Borxa a carretera N-122, y nuebo esbarre a o SO. de Tarazona, d´a cuala dista 5 km á carretera local.

Zelebrazions: Fiestas de San Benito (Patrón de Os Fayos - Gozos á San Benito) o 21 de Marzo y o 11 de Chulio (Fiestas Patronals) y Santa Bárbara o terzer domingo d´Agosto. O 18 de Chulio y o 15 d'Agosto comida o campo d'as cuadrillas d'o lugar.

Orixen: Poderba estar-ie en un biello monesterio beneditino an bibié San Atilano, a suya capeza permanezió en o lugar belunas añadas, agora se i troba en Tarazona.

Conzello: C/ Felipe IV, s/n             Telefono: 976 644 151          Facs: 976 644 151

Alcalde: Don José Luis Vela          Mosén: Don Arturo Puente     Abitans: 179 - Ombres: 89  Mullers: 90 

Casa de turismo rural: O CANTON - C/ Felipe IV, Nº 16   50513-Los Fayos   Tel.: 976 64 09 23

Chentilizio: Fayano u Fayense.

Libros d´intrés: Serranillas d´o Marqués de Santillana. Cartas dende a mia zelda de Gustavo Adolfo Bécquer.

Entre Torellas y el Fayo
pasaremos el Febrero.

Díxele: "De tal ensayo,
serrana, soy placentero."

Puestos d´intrés y toponimos: Armita de San Benito enclabada en una espelunga, reyalmén ye un biello monesterio abitau por os monches beneditinos. Ilesia parroquial de Santa María Magdalena construyida en zagueras d´o sieglo XVI cuya torre ye rematada con un campanario mudéxar (Renacentista). Palazio d´os Duques de Villahermosa d´o XVI. O Conzello. Restos d´o castiello d´o sieglo XII. (O castiello d´Os Fayos estié conqueriu por os nabarros en 1.148. En 1.367 lo fortificó Pedro IV. En 1.393 estié bendiu con Torrellas y Santa Cruz ta incorporar-los á ra casa ducal de Villahermosa. Estié un castiello natural con cabernas. N´a autualidá abandonau y arruinau.) A espelunga de Caco con restos arqueoloxicos y un alxibe, se dize que astí bibié o chigán Caco famoso por sus azañas. A espelunga d´A Paloma por a cuala pasa una canal d´a epoca arabe. A espelunga d´o Santo Macarro. Espelungas d´os Callejares con restos arqueoloxicos. Parque de a carretera. Os Callejares, cobalto d´o lugar, ultimamén s´han reyabilitau y axardinau, son azesibles cuasi a o 100%. O Cantón. O Toríl an mos puyábanos ta beye-ie as bacas n´a plaza (Barbería). A Costanilla. A plaza biella. O río alto. O Cajero. A fuen. O zimenterio. A garchola. O campo de fumbol. A presa del Val. O Coso. O paso os carros. O Olmo. As zentrales eleutricas, 1ª, 2ª Y 3ª. Pontociel y Carracinas puestos anegados por o entibo. Os Cubillos, an mos bañábanos en l´estiu, igual que n´as pozas, pero istas cambeaban de puesto cada añada. Os barrancos (Luzán, Arnilla, etc.). Ruinas monesterio d´o sieglo XII. Molino d´os Moros (Torre). As Eras Altas. As Gabanzas. Peñarroya que ye á ra final d´o entibo. Preñana en´a primer zentral eleutrica. Gallopar en´a segunda zentral eleutrica. O Soto Blanco (agora con brendadero). Valdeconejos. Piedra redonda. O Arbal. As Landas. O río Chico. O Badillo. O rio A Casa (muga con Castiella). O molino. A Aglera. A Canal (disparexiu). A revuelta a Sarra. Valdecarrera (disparexiu). O Mojón (muga con Castiella). O zerro. A dehesa. A dehesa baja. A solana. A umbria. Retuerta (disparexiu). Os pilotos. O sifón. O formache. O tunel. O Muñal. Condamina. O camín de Santa Cruz. Os Lumbacos u Lombacos (Torrellas) que ye en o soto blanco, dentre Torrellas y Os Fayos, astí ye a espelunga d´o Santo Macarro. Lombaco ye un toponimo de orixen zeltico, uno d´os pocos que se i conserban en Aragón.

Carreras: Mayor, Felipe IV, Aurora, Carretera, Plaza Mayor, Plaza biella, Costanilla, Camín de Santa Cruz, Extramuros, Santa Lucía, San Atilano, Espelunga de Caco, Palacio, Callejon de Cordera, Enmedio, Amargura, Sor María de Jesús, Paseo del Queiles, San Benito, Rio Chico, Camín de Vozmediano, Etz.

Retriga de palabras y exprisions o lugar: Ababol, Ardacho, Ardachicha, Arguellao, Bozo, Cabezudo, Carnúz, Chordón, Prenda, Rasera, Rasmia, Rebullón, Etz.

Motes: Quiterios, Molineros, Botas, Pascasios, Zagones, Culirroyos, Soros, Casianos, Negretes, Chatos, Quitines, Corderas, Topos, Bataneros, Coletas, Cristos, Randas, Caladoras, Cuenca, Zordias, Etz.

Remeras: Granizas sesions de zine en a tabierna d'a plaza y n'a plaza Mayor con pantalla panoramica de alta teunoloxiya (una sabana) y cadieras ergonomicas (bancales foradaus).

Chuegos: Marro pañuelo, Levanto la valla, Toros a cucha, Polis y cacos (Policias y ladrones), Churro va, Chocolate inglés, Toco marro y salgo, La cadeneta, La taba, Las chapas, El taco, El balón prisionero, Acción o verdad, Al rebullón.

Email d´o Conzello d´Os Fayos

Imaxens d´o lugar y arredoles.

Me ferba goyo reyalixar una pila con o nombre de totas as espelungas, barrancos, nombres de puestos d´o lugar, etz. pero nesezito a buestra colaboranza.

Atras paxinas d´intrés:

Os Fayos - cityrewiew                          Os Fayos - mispueblos         Os Fayos - aragoneria

Os Fayos - guiadeayuntamientos         Uncastillo                                 

Os Fayos - pueblos-españa                        Os Fayos - Aragonés            Os Fayos en Suezia

A leyenda de A Espelunga de Caco      Serranillas d´o Marqués de Santillana

Villarijo (Soria)   Cornago (La Rioja)    Los Fayos (Zaragoza)           La Ronda de Boltaña

D.P.Z.
O Chustizia d´Aragón		Conzello ZAZ

Si en deseyas nimbiar soxerenzias, preguntas o fotos puedes nimbiar-me-ne un mensache:
Chesús Manuel Pastor Pérez

Grazias.

Tornar a o prenzipio

©

Paxina autualizada o Luns, 13 d'Abiento de 2004